الدبيبات محلية القوز
الاخ الزائر مرحب بك في منتدي القوز
هذا المنتدى يختلف عن جميع المنتديات فلا هو منتدى سياسه ولا مكايده - منتدى هدفه الأول والاخير رفع منطقة القوز الى مصاف بقية المناطق بالسودان لذا نرجو من الاعضاء التسجيل باسمائهم الحقيقة او ملئ باناتهم الشخصية للتعرف عليهم
في حالة التسجيل ارجو الرجوع الي البريد الالكتروني حتي تتمكن من الدخول الي المنتدي
شكرا
الادارة


بحـث
 
 

نتائج البحث
 


Rechercher بحث متقدم

المواضيع الأخيرة
» الميرم تاجا / الفنان سليمان احمد عمر
الأربعاء نوفمبر 04, 2015 4:47 am من طرف سليمان أحمد عمر

» اغنيية ناس الفريق (الجرارى) الفنان سليمان احمد عمر
الخميس يناير 29, 2015 4:03 pm من طرف يعقوب النو حامد

» مردوم السحيىة للفنان سليمان احمد عمر
الأحد يناير 25, 2015 5:55 am من طرف يعقوب النو حامد

» اغنية سيرة كنانة سليمان احمد عر
الخميس يناير 22, 2015 7:03 am من طرف يعقوب النو حامد

» برنامج كسر زين واريبا
السبت نوفمبر 29, 2014 3:06 pm من طرف عمرعبدالكريم

» زواجي عدييييييييل
الأحد نوفمبر 09, 2014 2:11 pm من طرف سليمان أحمد عمر

» اغنية جانى جواب من الزريقه محمد
الإثنين سبتمبر 22, 2014 3:19 am من طرف يعقوب النو حامد

» فك شفرة زين كونيكت هاوي e177
الثلاثاء سبتمبر 16, 2014 6:29 pm من طرف khalid Ebrahim

» مكتبة الفنان ابراهيم موسي ابا
الثلاثاء سبتمبر 02, 2014 8:27 pm من طرف يعقوب النو حامد


أم ضي والزمن المضلم

استعرض الموضوع السابق استعرض الموضوع التالي اذهب الى الأسفل

ياحبيب مااظن تاني

مُساهمة  الصادق حامد احمد جبارة في الأربعاء نوفمبر 16, 2011 9:54 am

رد الله غربتك ياعزيز جد انت اكتر من وطني والله كون تحس بدواخلو وانت خارجو وحقيقة وطنا جرح نازف نازف تمنياتي يضمد الله جراحو نحن حنغرق في دماء نزيفو طالما إنو وطنا ولا وجود لنا دون وطن وياشباب
ابقوا عشرة علي ترابوا البضيع مابجيكم تاني
ابقوا اخوان في ضراكم عنقريب واحد بشيلكم واشتقنا ليك ياحبيب اكتر من الوطن لان من ينشد الوطن هو الوطن نفسو
ودي

_________________
اللهم مااصبح بي من نعمةاوباحد من خلقك فمنك وحدك لاشريك لك فلك الحمد والشكر
avatar
الصادق حامد احمد جبارة
عضو جديد

عدد المساهمات : 270
تاريخ التسجيل : 28/03/2011
الموقع : السودان/ش كردفان-الابيض

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  خالد بكر ابو عصام في الأربعاء نوفمبر 16, 2011 9:02 am

الله يسقين من ماء الجنه !!! ويجمعك بمن تحب !!
تقبل مروري !!
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  التوم علي الفضل في الأربعاء نوفمبر 16, 2011 8:55 am

الاعزاء خالد وسليمان ..
حبابكم الف..دايماً بقول انو اهلنا ديل من اطيب خلق الله..شوف حبابك الف دي كيف..تأطير قوي جداً لعلائق القربي الوجدانية العميقة..يعني بدل حبابك واحدة مسونها الف..ودا انعكاس صادق لدواخلهم الرحبة المترعة بالاخلاق السمحة والخلق النبيل..مرات كتيرة بقعد واتأمل في كتير من مفرداتنا البنقولها في الترحاب والوداع وفي كل اوجه حياتنا العادية ومدي ارتباطها بالمكون الذاتي للناس ,بجد انها بتعبر بصدق شديد الحال الداخلي للزول..
والله يا خالد بتزكر لي يوم الليلة الموية الشربناها عندك هناك جنوب ام سعدة..كنا عطشانين عطش..عطشانين عطش ..ونحن في زمة الخلا بنفتش علي بقر خالي الطيب المهدي..الموية العندنا كملت تب..كمان انحنا شربنا مويتك تب..ومشيتنا منك لقينا البقر..الفرحة بقت اتنين فرحة الرويان وفرحة الجمعان..الله يجمعنا في ساعة خير..شكرا كتير علي السؤال..
الحي بعود الدار
avatar
التوم علي الفضل
عضو جديد

عدد المساهمات : 32
تاريخ التسجيل : 27/03/2010
الموقع : USA

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  خالد بكر ابو عصام في الثلاثاء نوفمبر 15, 2011 7:23 am

طمنتنا يا سليمان الله يطمنك !! لان الحقيقة الاخ التوم نبراس فلما يكون نوره قصير يقلق الاصدقاء عموما نحن بإنتظارك يا ود الفضل !!
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  سليمان أحمد عمر في الثلاثاء نوفمبر 15, 2011 6:56 am

الاخ خالد
كل سنة وانت طيب والله ياخالد نحن متشوقين لقراءة ماسيكتبه التوم علي الفضل لانه يتميز بلونية خاصة من الشعر والمقالات ولكنه الان مشغول بالدراسة والتحصيل العلمي وهو بخير لقد اتصل علي الاسبوع الماضي وتحدث معي ساعة كاملة
سيعود الي المنتدي قريبا وهو يقرا كل مايكتب بالمنتدى ومتابع .

_________________

دبيبات امبارح في المنام بحلم
بسمع لي هداي وحس نقارة رزم
avatar
سليمان أحمد عمر
Admin

عدد المساهمات : 337
تاريخ التسجيل : 18/03/2010
الموقع : السودان \كردفان

http://dubeibat.ahlamontada.com

الرجوع الى أعلى الصفحة اذهب الى الأسفل

وينك يا ود الفضل

مُساهمة  خالد بكر ابو عصام في الإثنين نوفمبر 14, 2011 10:22 am

يا جماعه اللي عارف اخبار التوم علي الفضل يوافينا بها المنتدى اشتاق الى إبداعات الفنان ود الفضل و عسى المانع خير يا التوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  خالد بكر ابو عصام في الأحد يوليو 10, 2011 4:58 am

صباح الخير على الجميع !!!
يا ود الفضل كما قلت أنت سابقا الوطن مجروح و ينزف ونحن في نشوة هوانا الان الوطن طلع من العناية المركزه و تم بتر الساقين و بقى من ذوي الاحتياجات الخاصه بعد ما فقد ساقيه و لكن للاسف الدكتور إكتشف إن فيه سيرطان اخر ومانخشاه الان إن يتم بتر جزء ثاني منه !!! لك التحية يا مبدع !!
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  خالد بكر ابو عصام في السبت يناير 08, 2011 6:51 pm

الله يرد غربتك يا ود الفضل !! لكن عليك الله أسع مابتشم ريحة الدعاش
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  التوم علي الفضل في السبت يناير 08, 2011 10:00 am

الصديق خالد ..اول حاجة والله انا في غاية السعادة والفرح ان نلتقي من بعد طول غياب..تاني حاجة " ات طيّب" ، دايماَ بقول وما زلت ان اهلنا في القوز هم احنّ واطيب خلق الله ،وعبارة ات طيّب تكاد لا تفارق اي لسان حينما نلتقي وهي لسان حال القلوب المليانة حنية وزيادة،ودايماً ما تتبعها "والله مشتاقين" للتأكيد..ياخي والله مشتاقين..يا سلاااااااااااااام ياخي..
خالد اخوي جيتاً جيت ومرحب بيك هنا ،والمكان عامر ومزدهي بالاخوان ،يحملون هم الناس والتراب ،ويتطلعون لمستقبل باهر للبلد.
ومشكور علي المرور،وسعيد جداً باللقيا علي قول صديقي طارق موسي داؤود ،شوف يا خالد حتي الكلمات لها ارتباطات بالاشخاص ودا اجمل ما تعلمناه من حياة القوز..
انا الان في امريكا،اسكن في ولاية منيسوتا يتاورني الحنين بكرةً وأصيلا ،للناس والتراب ،ولكل مكونات البيئة.
من ضليل قطية مارق لي سموم حر الهواجر
شلتْ زادي هموم قليبي ودفقة من دمعة المحاجر
"ام عزة " أمي ودعتك الله ماشي منك و ماني داير
عيشة من حضنك تباعد ولي جراحي دوام تتاور
إلا هى الدنيا اب تفرّق يوم تلاقي، ويوم تهاجر
ولك مودتي واتمني ان يخرج الوطن من العناية المكثفة سليماَ معافى لا فيه طق او شق..نصيح جدي.
avatar
التوم علي الفضل
عضو جديد

عدد المساهمات : 32
تاريخ التسجيل : 27/03/2010
الموقع : USA

الرجوع الى أعلى الصفحة اذهب الى الأسفل

رد: أم ضي والزمن المضلم

مُساهمة  خالد بكر ابو عصام في السبت يناير 08, 2011 7:21 am

صح لسانك يا ود الفضل , أنا ماقلت ليكم يا ناس المنتدي الزول دا شاعر
الوطن مجروح و ينزف و نحن في زحمة هوانا و بكره يبقي الجرح فينا و يا عذاب نشوة هوانا
عليكم الله البيت دا ما مفروض يدرس في المدارس ؟؟؟ بكره يبقى الجرح فينا .. وين بكره هو من البارح أتجرحنا كلنا و الوطن الان في العناية المركزه و لا ندري يطلع من الانعاش ولا الدكتور بيقول لينا جهزو كفنكو يا أهل الميت !! الله يستر يا ود الفضل ! لك التحيه من هذا المنبر و أنت وينك ياخ والله سائلين عنك .
avatar
خالد بكر ابو عصام
مشرف

عدد المساهمات : 341
تاريخ التسجيل : 07/01/2011
الموقع : Khartoum

الرجوع الى أعلى الصفحة اذهب الى الأسفل

أم ضي والزمن المضلم

مُساهمة  التوم علي الفضل في الخميس ديسمبر 30, 2010 9:28 am

ام ضي خبارك , ساهية زي الرايحة منك
إبرة في قش التواكي..
ساكتة مالك ما بتردي
ولا خايفة الريح تبوح اسرار بكاكي..
خاته في الخدين يديكي
ودمعة من عينيك ترقرق راسمة احزان التباكي..
ما بين عيونك والارض
حزمة من وجع المآسي تربطي فيها بدون رضاكي..
في زمن اشتر مغبش
بعثر الفكرة الجميلة خت امالك قفاكي..
رص فوق خاطرك هواجس
وفي الدريب شيد متارس
شان تعيق اصرار خطاكي..
ام ضي خبارك ما بتردي
كلميني عليكي الله وطيبي الاحساس عساكي..
اني اغبش زي غباشك
قمت قدامي الطواري..
عشان اتيرب حب بلادي
فوق جباريك الضهاري..
في التباريب ليلي واقف
ومشلعيب وكت العصاري..
طاقي عكازي المضبب
ماشي مردوم او جراري..
ويا حلاتن ريل بلدنا
وكت يقوقن كالقماري..
تشيلني هاشمية وتدغدغ
حس مشاعري وجوف غراري..
ويصحى فيني احساس ملبد
بين غيوم سحر العصاري..
اني انسان في دواخلي
تعيش بلومه مع الخداري..
ام ضي ابت تفتح خشيمه
محنتني وماني داري..
شن اقولو معاها تاني
ولي رؤاها كمان اباري..
ولما شافت هولي فيها
فجت الدمعة ابتسامه..
زي بريق القبلي ضوا
زال عتامات الغمامه..
وزي دعاشات نسمة رافلة
فوق مساحات الوسامه..
رفعت رويسه علي سحابآ
ذاده تاني علي سماحه..
قلت قولي عليكي الله
عشان يزول اثر المناحه..
واعرف اني عرفت انك
احتواكي ضليل وراحه..
ولما قالت لي كلامه
بكيت وما خليت مساحه..
الوطن مجروح وينزف)
ونحن في زحمة هوانا..
بكرة يبقي الجرح فينا
ويا عذاب نشوة هوانا )..
وفجأة مني ام ضي غابت
الا صوته ملك اذاني..
ياحبيب ما اظنو تاني
يا حبيب ما اظن تراني..
ابقي عشرة علي ترابك
البضيع ما بجيكا تاني..
وابقوا اخوان في ضراكم
الكتال جفوة معاني..
عنقريب واحد بشيلكم
لو نفوسكم صاح تداني..
ياحبيب ما اظنو تاني
ياحبيب ما اظن تراني..
اذكت ام فيني حسرة
وسر غيابه دهش جناني..
avatar
التوم علي الفضل
عضو جديد

عدد المساهمات : 32
تاريخ التسجيل : 27/03/2010
الموقع : USA

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى