مشتاقين : هدية لعيون المنتدى

مشكور على المرور وأنا أقبل النقد والتعليق دائماً لتصحيح المسار والطرح مقبول منك يأخ سليمان ولك مني التحية والتقدير.
والمساهمة منقولة من موقع مدونات مكتوب والكاتب سمي نفسه (صوت النوبه) ، بتاريخ 31 أكتوبر 2006 الساعة: 21:02 م ، فجذبتي معاني وكلمات القصيدة وأحببت أن أهديها لعيون المنتدي.

الاخ عصام الدين شكرا وارجو ان تتقبل مروري القصيدة رائعة وهي تتعتبر هدية جميلة للقوازة
1-بالرجوع للنص لدي بعض التعليقات في:-
بسافر في الخيال ديمة وأرجع ما ألاقي معين
يخفف من عذاباتي تسيل الدمعة في الخدين
بسرح جوه في عينيك وأمرح في سواد العين
أختك إنتي في جواي أشيلك في؟؟؟ العين
يبدو هنالك شي مفقود في البيت الاخير مارايك بان يصبح (أختك إنتي في جواي واحلم بالعديل والزين)
2- ارجو مراجعة هذا البيت (مشتاقين بالجد والله مشتاقين ولي رؤياك تتوق العين
لي شوفتك نشابي سنين ولي قربك دوام طالبين
شوقنا إليك بحر بيفيض وباالشوق ديمة غرقانين
بحور شوفك تفيض لمتين ويا الاشواق مراسيك وين)
3- من الكاتب ؟حتي اذا كنت انت ارجو حفظ الحق الادبي دائما
مشكوور اخي

مشتاقين
مشتاقين بالجد والله مشتاقين ولي رؤياك تتوق العين
لي شوفتك نشابي سنين ولي قربك دوام طالبين
شوقنا إليك بحر بيفيض وباالشوق ديمة غرقانين
بحور شوفك تفيض لمتين ويا الاشواق مراسيك وين
مشتاقين
بسافر في الخيال ديمة وأرجع ما ألاقي معين
يخفف من عذاباتي تسيل الدمعة في الخدين
بسرح جوه في عينيك وأمرح في سواد العين
أختك إنتي في جواي أشيلك في العين
مشتاقين

بعيش دايما على ذكراك بساهر الليل أقضي أنين
خيالك إنتي ديمة معاي مناي ألقاكي لو في الحين
مكانك في قلبي هنا وإسمك ديمة في الشفتين
وما ظنك عرفتي البي حالي يحنن المسكين
مشتاقين
أشيل صورتك على إيدي أقلبا بين شمال ويمين
أختها مرة فوق صدري أضمها بي حنان وحنين
أختها مرة في عيني تغازل في رموش العين
وبحلم والحلم جايز تكوني معاي نعيش إثنين
مشتاقين
ريدك إنتي في جواي حبك في قليبي دفين
كل مايفوت علي صباح يزيد الم الفراق والبين
بحاول كل يوم القاك اهاجر ليكي لو في الصين
خلاص مليت فراقك لي انا الشقيان وراكي سنين
مشتاقين
مشتاقين بالجد مشتاقين ولي رؤياك تتوق العين
لي شوفتك نشابي سنين ولي قربك دوام طامعين
شوقنا اليك بحر يفيض وبالشوق ديمه غرقانين
بحور شوقك تفيض لي دين وبالله الملاقا متين

[right][center]