رد: أين أنتم يا أعضاء منتدى محلية القوز (بوست مكرر)

خالد بكر ابو عصام الخميس يوليو 21, 2011 8:59 am

ازيكم يا جماعة !!!!!!!!!!1
وينك يا ود العمده جيت السودان و إنقطعت مشاركاتك علشان كيدا من اول قلنا لك نحن هنا في السودان نعاني من عدم توفر النت على طول اليوم علشان كيدا تلقى الشباب مشاركاتهم ضعيفة ليس لانهم غير نشطين لكن عدم توفر النت هو المشكله علشان كيدا انتو المغتربين لا تلومو اخوانكم المحليين بالداخل و في الاخر كلنا سو و يد بيد نبني البلد .
مع تحياتي أبو عصام

خالد بكر ابو عصام الثلاثاء أبريل 05, 2011 10:33 am

كيف حالكم شت و قيلتو كيف
اخوي علي ود العمده كيف حالك
تعرف يا علي الزول وقت يرسل العيال و يقول عندي نفير انت من ما تسمع ابتطرق حشاشتك و بتتكلها قدام الحوش علشان من دقش تشيلها و تلحق النفير واسع كمان ناس القوز سوو المنتدي و قال ليكم هوي يا جماعة عندنا نفير تطوير المنتدى و البسمع يكلم الما سمع و ياالله كلنا نلحق النفير

**سليمان أحمد عمر** الإثنين مارس 28, 2011 9:25 am

الاخ النشط ود العمدة
اخي طول بالك انت عارف ناس القوز من زمن الروابط دا حالهم لم اسمع بان هنالك رابطة نجحت لابناء القوز والسبب هو عدم الجدية ارجو ان تصبر وما تضايق يعني ارخي وشك انا انشاءت المنتدي وماكنت متوقع ان يضم العدد دا من الاعضاء ولولا الصبر وطولت البال لقمت بإلغاء المنتدي او تحويله لموقع خاص بي ولكن من اجل القوز لم افعل واحي كل الناس النشطين ود الجاك . خالد بكر السيلة.محمد بكر السيلة .الكافي المجافي .التوم علي الفضل .انس داؤد.والباش مهندس منفل النور واوصيكم ونفسي بالصبر قد يكون عدم التفاعل مع المواضيع يعود الي عدم توفر النت للاخوه داخل المحلية والسودان وكمان في ناس طلبه زي ناس التوم واخرون
عموما اخي مشكووووور وطول بااااااااااااااااااااااااااااااااااااااااااااااااااااااااااااااااااااااااااااالك

ود العمدة الثلاثاء مارس 08, 2011 7:30 am

الأعضاء الكرام أبناء منطقة القوز لا شك ان تسجيلكم في هذا المنتدى قد أسعدنا جميعاً ولكن السؤال الذي يطرح نفسه أين مشاركاتكم ولماذا لا تكتبوا ولماذا لا تردوا على مواضيع الاعضاء الاخرين، ولماذا تكتفوا بالقراءة فقط فأرجو من كل عضو الأجابة على هذه الأسئلة.

وبصراحة لن تكتمل سعادتنا اذا لم تشرفوا صفحات هذا المنتدى بما تجود به أنفسكم من مشاركات، فلماذا تحرموننا من هذه السعادة.

وبكل صدق وأمانة أعلن اني قـد قـررت (تعليق عضويتي) في هذا المنتدى حتى اشعار آخـر.

مع أطيب التحيات
ود العمدة

أين أنتم يا أعضاء منتدى محلية القوز (بوست مكرر)