الدبيبات محلية القوز
الاخ الزائر مرحب بك في منتدي القوز
هذا المنتدى يختلف عن جميع المنتديات فلا هو منتدى سياسه ولا مكايده - منتدى هدفه الأول والاخير رفع منطقة القوز الى مصاف بقية المناطق بالسودان لذا نرجو من الاعضاء التسجيل باسمائهم الحقيقة او ملئ باناتهم الشخصية للتعرف عليهم
في حالة التسجيل ارجو الرجوع الي البريد الالكتروني حتي تتمكن من الدخول الي المنتدي
شكرا
الادارة




انضم إلى المنتدى ، فالأمر سريع وسهل

الدبيبات محلية القوز
الاخ الزائر مرحب بك في منتدي القوز
هذا المنتدى يختلف عن جميع المنتديات فلا هو منتدى سياسه ولا مكايده - منتدى هدفه الأول والاخير رفع منطقة القوز الى مصاف بقية المناطق بالسودان لذا نرجو من الاعضاء التسجيل باسمائهم الحقيقة او ملئ باناتهم الشخصية للتعرف عليهم
في حالة التسجيل ارجو الرجوع الي البريد الالكتروني حتي تتمكن من الدخول الي المنتدي
شكرا
الادارة


الدبيبات محلية القوز
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مواضيع مماثلة
    بحـث
     
     

    نتائج البحث
     


    Rechercher بحث متقدم

    المواضيع الأخيرة
    » تهنئة الشعب السوداني
    حليل خالك...... Emptyالأربعاء يناير 03, 2018 7:42 am من طرف الصادق حامد احمد جبارة

    » الميرم تاجا / الفنان سليمان احمد عمر
    حليل خالك...... Emptyالأربعاء نوفمبر 04, 2015 4:47 am من طرف سليمان أحمد عمر

    » اغنيية ناس الفريق (الجرارى) الفنان سليمان احمد عمر
    حليل خالك...... Emptyالخميس يناير 29, 2015 4:03 pm من طرف يعقوب النو حامد

    » مردوم السحيىة للفنان سليمان احمد عمر
    حليل خالك...... Emptyالأحد يناير 25, 2015 5:55 am من طرف يعقوب النو حامد

    » اغنية سيرة كنانة سليمان احمد عر
    حليل خالك...... Emptyالخميس يناير 22, 2015 7:03 am من طرف يعقوب النو حامد

    » برنامج كسر زين واريبا
    حليل خالك...... Emptyالسبت نوفمبر 29, 2014 3:06 pm من طرف عمرعبدالكريم

    » زواجي عدييييييييل
    حليل خالك...... Emptyالأحد نوفمبر 09, 2014 2:11 pm من طرف سليمان أحمد عمر

    » اغنية جانى جواب من الزريقه محمد
    حليل خالك...... Emptyالإثنين سبتمبر 22, 2014 3:19 am من طرف يعقوب النو حامد

    » فك شفرة زين كونيكت هاوي e177
    حليل خالك...... Emptyالثلاثاء سبتمبر 16, 2014 6:29 pm من طرف khalid Ebrahim


    حليل خالك......

    3 مشترك

    اذهب الى الأسفل

    حليل خالك...... Empty رد: حليل خالك......

    مُساهمة  ELMOIZ ELHAJ ELNOUR الأحد أغسطس 14, 2011 11:41 am

    الاخ سليمان احمد عمر بعد التحية العطره المنتدي منور بوجود الجميع
    ELMOIZ ELHAJ ELNOUR
    ELMOIZ ELHAJ ELNOUR
    عضو جديد

    عدد المساهمات : 235
    تاريخ التسجيل : 23/07/2011
    العمر : 36
    الموقع : KSA

    https://www.facebook.com/profile.php?id=100001898943563

    الرجوع الى أعلى الصفحة اذهب الى الأسفل

    حليل خالك...... Empty رد: حليل خالك......

    مُساهمة  ELMOIZ ELHAJ ELNOUR الأحد أغسطس 14, 2011 11:38 am

    مشكور يا التوم وربنا يزيدنا ويزيدكم
    ELMOIZ ELHAJ ELNOUR
    ELMOIZ ELHAJ ELNOUR
    عضو جديد

    عدد المساهمات : 235
    تاريخ التسجيل : 23/07/2011
    العمر : 36
    الموقع : KSA

    https://www.facebook.com/profile.php?id=100001898943563

    الرجوع الى أعلى الصفحة اذهب الى الأسفل

    حليل خالك...... Empty رد: حليل خالك......

    مُساهمة  سليمان أحمد عمر السبت أغسطس 13, 2011 1:21 pm

    ياسلام عليك ياالمعز ود الحاج النور انا من اول مشاركة ليك عرفت انو المنتدى عمر
    الله يريح بالك ويبرِّد حشاك ، بردتا قلوبنا بقصيدت الشاعر محمد الجاك
    مزيدا من الابداع
    سليمان أحمد عمر
    سليمان أحمد عمر
    Admin

    عدد المساهمات : 337
    تاريخ التسجيل : 18/03/2010
    الموقع : السودان \كردفان

    https://dubeibat.ahlamontada.com

    الرجوع الى أعلى الصفحة اذهب الى الأسفل

    حليل خالك...... Empty رد: حليل خالك......

    مُساهمة  التوم علي الفضل السبت أغسطس 13, 2011 8:56 am

    الصديق معز مرحب بيك هنا..وانت تفرد اشرعة الشعر هنا ..وتعطر ملتقانا بالمفردات التي تخضر مساحات الدواخل وتحيلها إلقاً بلا انتهاء..ما احوجنا الي مثل تلك الترياقات في زمانات العجة والكتاحة..نقرأ الشعر فنتنفس..ثم نعيش..وعبرك التحايا لشاعرنا هرماس..
    التوم علي الفضل
    التوم علي الفضل
    عضو جديد

    عدد المساهمات : 32
    تاريخ التسجيل : 27/03/2010
    الموقع : USA

    الرجوع الى أعلى الصفحة اذهب الى الأسفل

    حليل خالك...... Empty حليل خالك......

    مُساهمة  ELMOIZ ELHAJ ELNOUR السبت أغسطس 13, 2011 3:31 am

    للشاعر محمد الجاك الصراف


    محمد الجاك الصراف

    الدُّخـْرِى يا ود اختِـى عِـز الدين
    بآكـر تزور بيتنا وتشوف صورتى
    وتقول : حبوبه ديييك صورة مِـنـُو الملصـُوقـَه فى الحيطه ؟ ! ...
    يقولوا ليك : دى صورة خالك آ ولدى ... حليل خالك ! ...
    أكان زولاً بشد الحـيل
    يونسنا وكلامو لذيذ ... عديل بلحيل ....
    كتير الناس تقول مجنون .. وما مجنون ...!
    فى شيتاً جُـوّه فى قلبو يزاول ليهو حَامِى النـوم
    يبـرِّم فى سبيب راسو ويساهر لى هوايد اللـيل
    يقوم من نومو ضربة ديك
    يفوت من بيتو بى ِريقـو زى الضيف
    يشيل مُحْجَانو فى كتفو ..
    وِيطـُـب مُخـْلاتـُو فى باطو..
    وِيفارق الحله مستعجل مع هبة نسايم الصيف
    وحفيان ساى ! .. يبارى القيف
    يضُـرب الغابه وِتـْوَكـَّـر.. يحـِتْ فى ( السـّعَـفـه و العـُـلـّيف )
    يهـز شـدراً فروعـو حديد
    ولمّا العين تكون شافت قريب وبعيد ,
    بهايم الحله تتوجه عشان ما تاكـُل المحتوت ..
    يعاين ليها وِتـْبسم .. وما يحاحيها .. يمشى يفوت
    حشاهُـو ضَـمرْ تقـول عجلاً مكـَدَّن فى الوِتِـد مربوط
    بعد ماتـْغيب يقوم يرجع .. . يجيب نبقـاً تقول ياقوت
    مغـسـَّـل بى دموع الحـُور ..
    معلـّق فى رِقيبة السمحه فى البنوت
    يخـُتـُّـو حداهـُو وِتـْـلـفــّتْ .. وجيهـو حزين ..
    بدل مايقول بدور آكل .. يقول بس نادوا عز الدين
    حليل خالك ... !
    * * * * * * * * * *




    أكان زولاً بريد الجوطه والحفلاتْ
    محل مايسمع النـّقره ,
    يخت طاقيتو فى راسو
    ويشيل طمبورو فى ايدو
    وِيدِجْ حفيان برا نعلات...
    دلاليك العرس داقات ...
    ريحة المحلب المخلوط مع الصندل ...
    حنة ملخوخة فى طاسات..
    ضـريرتاً ماليه خشم ( الحـُق) ...
    وام العريس مشغوله بس بالدخله والمرقه
    وبنات عم العريس واقفات
    يسالمن ديل ... ويعزمن ديل .. ويجاملن ديل ...
    وشايلات جرتقاً ما غـَشْ !
    خرز منضوم مع اللولى ..
    وهلالاً زى هلال شوال .. حرير يلمَعْ !
    زغاريت البنات طاقات ..
    عريس بالفرحه داير انشق ..
    محصن نفسو بى ياسين
    وجايبين ليهو عضم الحوت
    ومالى ضراعو بالحجبات ..
    حجاب جلادو ( ود فراج ) .. غـليد وَاحَمَـرْ ..
    مَـتقــّـله بطنو بالآيات
    وهـاك يا زغبره وْجـُوطه ..
    وناس داخلين وناس مارقين
    وناس قاعدين وناس واقفين
    وناس نايمين وناس صاحيين
    وناس ضاحكين وناس باسمين
    وناس رايقين وناس جايطين
    وضيفاً جا وضيفاً فاتْ ..
    وخالك منسى فى طرف الصريف واقف ..
    لا زولاً يقولـُّو أمش ..
    ولا زولاً يقولـُّـو تعال ..
    دموعو تسيل مطر صابـّات
    طبق طمبورو قبـّـل صاد
    وجاك راجع .. يغنى ليك ..
    غـُنـَاهـُو حزييييين ......
    غـُناياً يبعث الميتين
    حليل خالك ..!
    * * *



    عمار الدنيا مهما زاد , مصيرو زوال
    تـُرُبـْتـَا الـزول تنادِيهـُـو
    وعـُمر الزول تتم ايامُـو مهما طال
    وخالك كان اظن عارف سنينو قلال ..
    وناجع ديما فوق سيقانو ودّر عمـرو بالترحال
    عصاتو (سَلـَم ) .. شرابو سموم
    قـدُرْ ما يزيد عليهو الجـوع , يقـرِّط ( تِكـّـة ) السروال
    دريبو وَعَـرْ مـلان بالشـوك
    كِضِـبْ كان قـالو كـاس لـي نعـال !
    هو خالك خال ؟! ..
    دا من جـِنـُّـو .. يسافر فى الفيافى بَـرَا ..
    وشاغل بالو سك الصيد ..
    مخلى قليبو ناسى ورا ..
    ضلام الدنيا فى عيونو ويفتش لى منابع النور
    لسـانو انسـل ..
    ريقـو فـتيت ..
    وسـاكن ديمه فى العَـتـْمُـور ..
    مشـَرِّك للغـزال بالخيت ..
    وزارع فى الاراضى الـبور ..
    دا قمحان من بنات آدم
    وراجـى يمـوت يهاجـر لى بنات الحـور ..
    حـليل خـالك ..!
    * * * * * * * * * *

    وآآآآخــر عـمرو يا ولـدى ..
    مرض مرضـاً ..!
    مرض مرضـاً ..!
    مرض مرضـاً ..!
    .. رقد خـالك تلاته سـنين ..
    وكـُلّ الشافتو تسكلج ..
    تقـول : كـُـر.. كـُـر .. دا ما بـِحيَا .. !
    ومـلك يامـين يقـول يامـييين ..!
    كتير البطـّـل الشغله وقعد حرسو ..
    يشـهدو فـيهو بالتلـقين
    وكم كم مره جـبنا المـويه فى القـرعه
    عشـان ما نـْغـَـمـِّد العـينين
    ومـاتن تب اديـَّاتـُو
    جـلد ملصـوق على عضـامو
    وْحَـطب مدّاهِـن الكـُرعـين



    وجبنا (حَنـُوطنـَا ) للتجهيز
    بقينا نعد ضليعاتو
    ونقول : يا الروح سكونك وين ؟!
    لقينا الروح تطق مسجونه فى الحلقوم
    مربـّطه بى سلاسل (كـُنْ )..
    وطايعه الواحد القيوم ..
    تقول : يارب ..
    متين امرق .. متين امرق .. متين امرق
    ونحن قعدنا فى ( الدلجه ) وحرسنا (ايوب)
    شهور وشهور ... بقينا ( سُـقـُد )
    وما ضاقت عيونـَّا النوم ..
    وكل الحله منكسره ومجاملانا :
    ناس ( التايه بت منشار)
    وبت حمدون
    بنات طه .. وبنات التوم
    واخوات كمال الدين ..
    عمتك كلتوم
    وبت حاج احمد ( السـُرّه )
    وبنات طيبه
    وبخيته الرايقه بت جادين ..
    دموعن بلــَّنْ الواطا .. وتيابـِن جَرْجَرَنْ دمـُّـور ..
    وحزنانين على خالك ..
    عشان خالك قليبو حنين ..
    وشال فى كتفو هم الناس ..
    يشيل ويردُم
    يشـيل ويردُم
    ويدس فى همـو فى قلـبو
    ويقاسى براهو حر النار
    دا شيتاً مابْـتشوفو العين
    وهمـُّـو كِـتِرْ ..
    وقلبو انقد يوم العيد
    وخالك مات ..
    مـات ماضـاق العـديل والـزين ..
    حـليل خـالك ..
    حـليل خـالك يا عـزالدين ..!!


    ELMOIZ ELHAJ ELNOUR
    ELMOIZ ELHAJ ELNOUR
    عضو جديد

    عدد المساهمات : 235
    تاريخ التسجيل : 23/07/2011
    العمر : 36
    الموقع : KSA

    https://www.facebook.com/profile.php?id=100001898943563

    الرجوع الى أعلى الصفحة اذهب الى الأسفل

    الرجوع الى أعلى الصفحة

    - مواضيع مماثلة

     
    صلاحيات هذا المنتدى:
    لاتستطيع الرد على المواضيع في هذا المنتدى