مواضيع مماثلة
بحـث
المواضيع الأخيرة
ونسة رملتنا الدقاقة....
4 مشترك
صفحة 1 من اصل 1
رد: ونسة رملتنا الدقاقة....
مساءك زين العزيزة هبه ..بالجد موضوع تحفة وتستحقى عليهوا مليووووووووووووووون لايك ..ولانوا موضوع أكثر من رائع إتمنيت أهديك (درنقل) مقاس خمس أفراد..ومن بكره الصباح برسل جواب لحبوبتى فى الفريق تجهزوا ولما تأجز الجامعة أكيد حأمشى البلد وأجيبوا معاى ..مانى الزول البيتكلم ساكت (أنا الكردفانى) وحبوبتى عاد كمان (الحكامة فيها قول) ولا (الشيخة) خاتيها القول ..دى كردفانية أصيلة ..بس يتم الحول و(الدرنقل) بجيك على طول .
لكى إحترامى وتقديرى .
لكى إحترامى وتقديرى .
محمد المصطفى(الكردفان)- عضو جديد
- عدد المساهمات : 48
تاريخ التسجيل : 21/11/2011
الموقع : السودان/اللهم إنى كردفانى
رد: ونسة رملتنا الدقاقة....
سلامات اختى هبة اليوم ذكرتينى ريفنا و باديتنا الجملين حيث انى اكثر ما اكون واجد نفسى فى فرقانا وحلالنا السمحة وبسيطة بساطة اهلنا الطيبين , وكلامك ده رجعنى للعام 1994 حيث كنا فى منطقة كبره ابزيد شرق علوبة وانحن مقلين تحت شجرة تبلدى كبيرة وضلها ما ليهو حد كلا راقد على عنقريب هباب نرحل مع الضل مكان ما رحل, وبجنب التبلدية تب او رهد مليان موية و قايمة مجموعة من القشوش فى حواليهو والهواء يلعب بالقش يمنة ويسرة ما احلاهو من منظر لا يتكرر قريبا ويجن السخلان والحملان جاريات يدقن فينا ويقبلن راجعات وتسمع حستهن (باااااااااااااااء و ميييييييييييييع)ويجنك العجال المصاليب من الجهة التانية الا ليت تلكم الايام تعود هذه الصورة ما زلت اذكرها كأنها ماثلة امامى الان .على العموم مشكورة على البوست وما تطولى الغيبة.
ود العميد- عضو جديد
- عدد المساهمات : 138
تاريخ التسجيل : 20/09/2011
الموقع : السعودية___الرياض
الله عليك يازوق
مشكورة كتير اختي هبة وحقيقة حلمت وكأني صنقرت في الهباب بضل العصير امام الراكوبة وحيث جبنة المساء مع شاي المغربية وسط الاهل والاحباب وكل هذه الجلسة بحاضرة القوز دبيباتي الديمة في الوجدان شوق حاضر وحلم يراود لك تحياتي اختي العزيزة دوما وكم انا مدين لك ولا استطع رد الجميل الذي دوما تزرعينه متعك الله بالصحة والعافية
الصادق حامد احمد جبارة- عضو جديد
- عدد المساهمات : 271
تاريخ التسجيل : 28/03/2011
الموقع : السودان/ش كردفان-الابيض
ونسة رملتنا الدقاقة....
العنقريب تراث سوداني عتيق وبكل أسف أصبح في حافة النسيان .. وما أجمل النوم في العنقريب الهبابييي تحت ضل الضحوية( والواطة) السفاية (المرشرشة) بموية ساقطة والهمبريب .
العنقريب الهبابى هو عنقريب مصنع من( عيدان) الاشجار بشكلها من غير تدخل المخارط الحديثه وتسمى عيدانه الطوليه مِرق والاعواد العرضيه تسمي و ساده وينسج من الحبال ويكون مقسوما الى قسمين الاول يسمى البحر ويمثل ثلاث ارباع مساحه النسيج والكراب ويمثل الربع الاخير ووظيفته لشد النسيج عندما يرتخى ومن ميزات الهبابى ان نسيجه افراق ( اي بين كل حبل وحبل توجد مساحة ) ليساعد على دخول الهواء من تحت للشخص النائم عليه ويكون عادة مرتخى الحبال مما يساعد الشخص على النوم السريع .وهو المفضل لأخي الصادق حامد جبارة.
والعناقريب انواع منها الهبابي وهو عنقريب قصير جدا من الارض يستظل به غالبا في اوقات القيلولة زي عنقريب حبوبة ،وهناك نوع اخر من العناقريب واكبرها حجما ،منها عنقريب الجلد وعنقريب الجرتق للعريس.
تحياتي...
العنقريب الهبابى هو عنقريب مصنع من( عيدان) الاشجار بشكلها من غير تدخل المخارط الحديثه وتسمى عيدانه الطوليه مِرق والاعواد العرضيه تسمي و ساده وينسج من الحبال ويكون مقسوما الى قسمين الاول يسمى البحر ويمثل ثلاث ارباع مساحه النسيج والكراب ويمثل الربع الاخير ووظيفته لشد النسيج عندما يرتخى ومن ميزات الهبابى ان نسيجه افراق ( اي بين كل حبل وحبل توجد مساحة ) ليساعد على دخول الهواء من تحت للشخص النائم عليه ويكون عادة مرتخى الحبال مما يساعد الشخص على النوم السريع .وهو المفضل لأخي الصادق حامد جبارة.
والعناقريب انواع منها الهبابي وهو عنقريب قصير جدا من الارض يستظل به غالبا في اوقات القيلولة زي عنقريب حبوبة ،وهناك نوع اخر من العناقريب واكبرها حجما ،منها عنقريب الجلد وعنقريب الجرتق للعريس.
تحياتي...
هبه سعد- عضو جديد
- عدد المساهمات : 53
تاريخ التسجيل : 11/10/2011
الموقع : السودان
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأربعاء يناير 03, 2018 7:42 am من طرف الصادق حامد احمد جبارة
» الميرم تاجا / الفنان سليمان احمد عمر
الأربعاء نوفمبر 04, 2015 4:47 am من طرف سليمان أحمد عمر
» اغنيية ناس الفريق (الجرارى) الفنان سليمان احمد عمر
الخميس يناير 29, 2015 4:03 pm من طرف يعقوب النو حامد
» مردوم السحيىة للفنان سليمان احمد عمر
الأحد يناير 25, 2015 5:55 am من طرف يعقوب النو حامد
» اغنية سيرة كنانة سليمان احمد عر
الخميس يناير 22, 2015 7:03 am من طرف يعقوب النو حامد
» برنامج كسر زين واريبا
السبت نوفمبر 29, 2014 3:06 pm من طرف عمرعبدالكريم
» زواجي عدييييييييل
الأحد نوفمبر 09, 2014 2:11 pm من طرف سليمان أحمد عمر
» اغنية جانى جواب من الزريقه محمد
الإثنين سبتمبر 22, 2014 3:19 am من طرف يعقوب النو حامد
» فك شفرة زين كونيكت هاوي e177
الثلاثاء سبتمبر 16, 2014 6:29 pm من طرف khalid Ebrahim