عضو جديد كرت كرتونه هل من مرحب

اوووووووووب يا سليمان ربابه من الطوله انت عارف يا سليمان انت دا ما شيبتا عديل !! و الله مشتاقين كتير . أنا أخبارك معي و عارفك تخرجت من جامعة السودان و كمان بقيت فنان كبير و أنا طبعا من المعجبين من زمن الربابه . أخوك استقر بالخرطوم و سويت لي وليدات عصام و سموؤل و بشير و منزلنا ببحري السامراب و عليك الله كن جيت الخرطوم زورنا و سلم لي على عمر بكر و الاخ العزيز التوم رد علي و عرفني بأنه بأمريكا . عليكم الله المنتدى دا ما يستحق الاشاده و التكريم جمعنا بعد فراق دام أكثر من 16 سنه . عموما يا أبو الفن دا عنواني khalidalsaila@yahoo.com رقم الموبايل هو 0918183643 نتشرف بأتصالكم

الاخ خالد بكر
مرحب بيك في دارك انا كنت ابحث عنك طبعا اتفارقنا من الصناعية وانا مشيت الابيض وكنت سليمان ربابة وبعد نقلي الي الابيض تعلمت العود هناك بالمناسبة عمر بكر مقيم بنيالا اما التوم الان بامريكا وهو مسجل في المنتدي
مرحب خالد

مشكور أخوي أنس , انتم ال داؤود دايما ترحيبكم بالماشي و القاشي اذكر لما كنا طلاب في مدرسة الدبيبات المتوسط في الثمانينيات
كن القطر جاء نبرا بفوق ما داير جدك حامد داؤود يشوفني علشان هو صاحب أبوي لأن كن شافني بمسكني على الغدا و بفوت لي جيت القطر ! لكم التحية جميعا اهل الدبيبات و القوز

هلا والف مرحب بيك ول بكر حبابك عشره بلا كشره
نورت وشرفت منتدى القوز العامر وبحضورك ازدان اكثر واكثر فمرحب بيك وابقى لييي داخل.........

اولا أشكر القائمين على هذا المنتدى
ثانيا : اعرفكم بنفسي الاسم خالد بكر احمد المعروف للزملاء بود الصناعية نسبة لمدرسة كادقلي الصناعية في اوائل التسعينيات انا و سليمان احمد عمر كنا نسميه سليمان عود و كذلك لا انسي زميلي صالح سليمان عبدالهادي و من مدرسة تلو العريقة اذكر الصديق التوم علي الفضل و بالمناسبة وين الزول دا ترا هو شاعر كبير و كذلك كان معنا د هيثم و بشمهندس محمد بكر السيله الاخ الشقيق و عبدالله الجنير و د عمر بلال ديل كانو عباقره تخيل من تلو الى كليات الهندسة و الطب و شلة من عيال القوز من هذا المنبر لهم و لكم التحية و التقدير و لنا لقاء مع زكريات تلو و الصناعيه سأوفيكم بها لاحقا .
لكم الشكر خالد بكر أحمد السيله