رد: مرحبا بالقوازي

**سليمان أحمد عمر** الأحد مارس 28, 2010 9:40 pm

والله يا ابو حوا الكلام في بطنك بنغمس مثل جراد البخسة
طبعا انتا عارف الهداى محمدي (السيرة ام خميرة) في احدي جلسات الشاى اخد شفطة
سكت شوية وقال الحاضرين سه " انا السيرة ام خميرة اليوم جيتكو بكلمة نجيضة , جيببي المن قِدام دا ملان كلام بنات ؤ جيببي الليمني دا ملان كلام رجال وجيبي اللَيسري دا ملان ليحان مُراتْ (زم) ؤ جيببي المن ورا دا ملان شغلات آخرات التدورا داك بمرق ليكو مِنا ! انا الكلام فوق بطني بنغمس مِتِل جراد البخسة والمغالطني اللجي افتح ليَ اباطي دي اليسمع
واحدة من حاجاته المضحكة قاعد بهدي في الخريف القعونج بغوغي سكت وقال لي ناس الفريق قعنكو دا سكتو ولا انا بسكُت لانو القعونج دا لاعندا بطارية ابتحرق ولا عندا حجار بكملن

**التوم علي الفضل** الأحد مارس 28, 2010 10:51 am

شكرا جزيلاً يا الAdmin
كتر لينا من النسية واعزم الاخوان لنرتشف جميعاً كي نعطيها خواص الالفة والتحلية ..وعنقريب القد محتاجنو بشدة

سعن الغربة الميّل خاطري
عطّش شوقي وبلّ صروحْ..
اه يا غربة شقية الحال
تزيدي الوجعة علي المقروح..

قوّازي

**سليمان أحمد عمر** الأحد مارس 28, 2010 10:34 am

مرحبا بالقوازي وربنا يرد غربتك تعال داخل علي الكوزي اشرب ليك نسية وارقد في عنقريب القد
اخي القوازي انتا مالك لابد .ولا نواى نية شينة ما عليك انا عرفتك انشاءالله باقي القوازى يعرفوك