رد: وصول عضو المنتدى الباشمهندس محمد بكر السيلة إلى المملكة العربية السعودية

anas dawod الجمعة فبراير 25, 2011 7:36 pm

الاخ خالد كتر خيرك اخووي ووعد كان جيت السودان اكيد حازوورك مع انو اجازتي 10 يوم بس الا ان شاء الله واصلك تلبية لدعوتك الكريمه وعامريين ديما يا رب......

**التوم علي الفضل** الخميس فبراير 24, 2011 8:45 pm

حمداً لله علي السلامة ابوهمام.. والبلد منورة..ويا خالد محمد امرقوه من الخراتيم ..خلوه يتكرّف نسايم القوز وهبايب العافية..والناس والشدر وكل مكونات قوزنا ..الخرتوم احيانا بتبلع لحظات الروعة الصادقة..القوز كلو صدق ونقاء.

خالد بكر ابو عصام الأربعاء فبراير 23, 2011 6:57 pm

بالمناسبه الاخ البشمهندس محمد وصل من البارح الظهر بس انشقلنا مع اضبح و اسلخ ضبحنا الخروف و صلخنا المغترب لانو أنا موصى من ود العمده و اليتيم ما بوصوه على البكاء

خالد بكر ابو عصام الأربعاء فبراير 23, 2011 6:46 pm

الله يحفظك يا ول داوود و تجي بالسلامه , مادام مافي تربتيك ترا لازم تجينا في بحري ترا الضراء عاااااااااااامر و ذاتنا شغلات ناس الخرطوم ديل انحنا ما بناكلها النسوان عندنا متخصصات في عواسة الكسره و ملاح التقلية تعال لي قدام ياخوي انس وبتنبسط كن جيت و حبابك عشره !!

anas dawod الخميس فبراير 17, 2011 10:54 am

الاخوان والاحباب ود العمده الدرحمن وخالد ول بكر نهاركم سعيد
ويا ود العمده والله اجازتي صغيره او في الحقيقه تغيير فيزا عشان كده ترب عبر السعوديه ماف ليهو طريقه لكن المره الجايه حنجي بالبر ونمهل معاكم يوم يوميين كده ده طبعا اذا كانت رياح الفوضى الخلاقه التي تضرب الشرق الاوسط اليومين ديل ما جات عليكم ههههههههههههه... بس علي اي حال لازم الواحد يزور مكه العزاها الله دي عباره كنا نسمعها كتييير من حبوبابتنا حينما تسمع خبر بشع فاذا هي قائله اضاني في مكه العزاها الله...
لكم التحيه الاخوان بالمملكه وخصوصا ود العمده ودياركم تعمر بالاخوان والاعزاء..........

خالد بكر ابو عصام الخميس فبراير 17, 2011 9:38 am

صباح الخير على الجميع !
ود العمده كيف حالك ,, نبشرك وصيتك أنا مابنضيعها وممكن ما نخليه يصل مرحلة البرود يعني ني ني كيدا ماشيين نأكلوا ليك . أخوي أنس الله يوصلك بالسلامة و القوز بنور بوصولكم

ود العمدة الأربعاء فبراير 16, 2011 12:59 pm

وأنت طيب يا أنس ومولد نبوي سعيد علينا وعليكم وعلى جميع الامة الإسلامية، وإن شاء الله تكون مسافر (تربتك) علشان نقدر نشوفك ومقدماً اتمنى لك إجازة سعيدة وسط الأهل.

تحياتي، ود العمدة

ود العمدة الأربعاء فبراير 16, 2011 12:46 pm

محمد يا اخوي لا تنسى ذكر الله يعني الله الله في الذكر . ولا تسرع لاتذيد عن 110 km/h و إذا جييت سواكن إتصل علينا و سلم على همام

الأخ خالد مساك الله بالخير اللقى أحبابه نسى أصحابه ولا شنو، وإن شاء الله تكون جهزت الخرفان، ووصيتي لك اكل المغترب قبل ما يبرد.

مع أطيب التحيات
ود العمدة

anas dawod الأربعاء فبراير 16, 2011 12:30 pm

سلامات شباب احلى منتدى وكل عام وانتم بخير بمناسبة المولد النبوي الشريف

الاخ محمد بكر تصحبك السلامه ولا تنسانا من صالح الدعوات وعمره مبرووكه علييك وربما نلتقي بالسودان قريبا وفي القوز تحديدا لانو انا زااتي حانزل قريب بعد 10 يوم اذا ربنا سهل...........ز

خالد بكر ابو عصام الأربعاء فبراير 16, 2011 11:51 am

محمد يا اخوي لا تنسى ذكر الله يعني الله الله في الذكر . ولا تسرع لاتذيد عن 110 km/h و إذا جييت سواكن إتصل علينا و سلم على همام

ود العمدة الأربعاء فبراير 16, 2011 10:56 am

أسعد الله أوقاتكم بكل خير أبناء القوز.
وصول عضو المنتدى الأخ الباشمهندس محمد بكر السيلة إلى المملكة العربية السعودية قادماً من دولة قطر في طريقه إلى أرض الوطن بعد أداء العمرة نسال الله ان يتقبلها ويجعلها في ميزان حسناته، ونتمنى لود السيلة إجازة سعيدة وممتعة وسط الأهل والأحباب.
مع أطيب التحيَّات
و العمدة