رد: اتمنى لكم عطلة سعيده

خالد بكر ابو عصام السبت أبريل 23, 2011 12:30 pm

هلا و غلا يا ود العمده و مساء الخير على الجميع ,
انتو الي معاكم عجلات دبل ديل جلابة يعني هاي كلاس انا كنت عندي رال و كت نجي شاقي رملة حلة المهدي بنوحل مرتين ووقت نوصل الرمله حقت السوق نشد ونشد وفي الاخر الى نشيلها في كتفي و نقطعها الرمله و العرق يكب و بعد دا ترى فرحان فرح وقت نلحق العيال في الفروخ و مع رملة المجلد منهم و بنمشي ترا الرال في الرملة كعب لكن كن ليقى المجلد ما بتلحق !!

ود العمدة السبت أبريل 23, 2011 6:37 am

أسعد الله أوقاتك بكل خير أخي خالد وجمعة مباركة إن شاء الله، نحن كنا شله كبيرة من أبناء أم سعدة في مدرسة الحاجز وتقريباً كلنا كان عندنا عجلات (دبل) على سبيل الذكر لا للحصر هاشم أمين، موسى النور، علي محمد عبدالرحمن، المرحوم مارن، خالد الطيب مكي وآخرين والله هذه الفترة كانت من أجمل الأيام ويا حليل زمن الواحد لما بقوم سداري.
مع أطيب التحيات
ود العمدة

خالد بكر ابو عصام الخميس أبريل 21, 2011 2:14 pm

نهاية اسبوع سعيده على الجميع و زي ما قالوا زمن المدارس الخميس فرحت المطاميس , و بالمناسبة الكلمه دي زكرتني زمن كنا في مدرسة الدبيبات المتوسطة تلقانا من الظهر مربطين اكياسنا و متجهين صوب الحاجز تم الفروخ ثم ام سعده ترا المشوار دا كلة كداري و يوم الجمعة من العصر نفس المسار تلقانا راجعين يا حليل زمان ولى .,