نداء لناس (القوز)..!!

الله يجمع ليك بيه

نداء لناس القوز

لاحول الله ده جاى من وين؟؟
ومعناهو شنو؟ ده حلم شين
حرمنى النوم يا ناس النوم أقبل وين
يا ربى القادر الحاصل آيه؟
حبيبى الأول انا بحلم بيه
سابنى وغادر..سافر ليه؟
حرمنى وصالوا وغير حالوا يكون مالوا
ده حتى الوفاء إتبدل جفاء ما الحب وينوا
يا ناس (القوز) عليكم الله الجده شنو؟؟
حبيبى الغالى الشاغل بالى لو بس
شوفتوا
أطرونى ليهو وما تسيبوا
لو حبه تانى وقال نسانى يا ناس كتير
لوِموا
والله أنا ما بقدر أشقى اكتر وأكتر
ما عقلى جنه وودر كفايه خلاص كده
كلموا
لا حول الله ده جاى من وين؟؟
ياربى تشيلوا ده حلم شين
وإنشاء الله أنوم وبكره تشوف عيونى
عيون حبيبى الزين
وأحلم تانى ..وأجن من تانى..وتانى وتانى
أرجع اعانى وأغنى أغانى..حبك كوانى
يا نور العين .

التحية لكم جميعآ أيها الرائعون : أهل محلية القوز .